Ճաշատեսակները պատրաստվում են անմիջապես տեղում՝ ապահովելով մշտապես թարմ, բազմազան և բարձր համային որակ։ Ուտեստները մատուցվում են գեղեցիկ և ախորժաբեր ձևավորմամբ՝ ստեղծելով հաճելի մթնոլորտ յուրաքանչյուր հյուրի համար։

Հաճախակի կազմակերպվում են ճաշկերույթներ, բանկետներ և հանդիսավոր ընթրիքներ, ինչպես նաև տարբեր հյուրասիրություններ։ Սպասարկումը իրականացվում է ինչպես բուֆետային (շվեդական սեղան), այնպես էլ ավանդական ձևաչափով։

Երեկոյան ժամերին կարող եք հաճելի ժամանակ անցկացնել էկզոտիկ ձևավորմամբ բարում, որտեղ տիրող մթնոլորտը նպաստում է լիարժեք հանգստին։ 

Հյուրանոցում գործում են երկու լողավազան՝ ձմեռային և ամառային: Ամառային լողավազանն ունի հատուկ հատված, ինչպես նաև սահողակ, նախատեսված երեխաների համար:

Հյուրանոցում առկա են երկու տեսակի շոգեբաղնիքներ` ֆիննական և ինֆրակարմիր: Մերսումներն իրականացվում են հատուկ մասնագետի կողմից: Մերսման համար կիրառվող նյութերի բաղկացուցիչ մաս են կազմում հայկական լեռնաշխարհի խոտաբույսերից պատրաստված քսուքները: Այդ բնագավառում եզակիներից է  տուրմալինային մահճակալի մերսումը:

Հյուրանոցի բակում առանձնացված է տարածք` երեխաների խաղերի համար: Հարմարավետ այս անկյունում արված է առավելագույնը` նրանց բարձր տրամադրությունն ու հետաքրքիր ժամանցն ապահովելու համար: 

Երեխաների համար նախատեսված և ձևավորված է հատուկ սենյակ, որը ներառում է խաղային անկյուն, նկարչական անկյուն:

Սպորտային պարագաներ ու հանդերձանք

անվճար տեղափոխում ճոպանուղի և հետադարձ

սպորտային գույքի պահպանության սենյակ

հատուկ չորանոց` նախատեսված սպորտային հանդերձանքի համար

Հյուրանոցային համալիրի տարածքում գործում է բազմաֆունկցիոնալ թենիսի կորտ, որը հարմարեցված է նաև վոլեյբոլի, բասկետբոլի և մինի ֆուտբոլի համար։ Ցանկացողներին տրամադրվում է անհրաժեշտ մարզագույք՝ հեծանիվներ, գնդակներ, փետրագնդակ և այլ պարագաներ։ 

Ձմեռային մարզաձևերի սիրահարների համար հասանելի են նաև դահուկներ, սկահակներ և համապատասխան մարզահագուստ։